About Pangnirtung

ᕿᑲᖅᑐᖅ ᖃᖅᑲᐅ ᐊᑖᓂᑦ, ᑰᑉ ᓴᓂᐅᓂᑦ ᐊᒻᒪ ᑲᔾᔮᓇᖅᑐᓂᒃ ᖃᖏᖅᖣᑉ, ᐸᓐᓂᖅᑑᖅ ᕿᑭᖅᑖᓗᖕᒦᑉᐳᖅ, ᑎᓄᔾᔭᕐᕕᒃᒥᑦ. ᖃᐅᔨᒪᔭᐅᔪᖅ ᐊᓃᕐᓂᕐᒧᑦ ᑲᔾᔮᕆᔭᖃᖅᑐᓂᒃ ᐊᖅᑯᑕᐅᓂᖓᓄᑦ ᖃᐅᔨᒪᔭᐅᔪᒻᒪᕆᖕᒧᑦ ᐊᐅᔪᐃᑦᑐᖅ ᒥᕐᖑᐃᖅᓯᖅᕕᖕᒧᑦ, ᐊᒥᓱᓂᒃ ᑕᑯᔪᒥᓇᖅᑐᖅᑕᖃᖅᐳᖅ ᐳᓚᕋᖅᑐᓄᑦ ᓄᓇᓕᖕᓄᑦ. ᐸᓐᓂᖅᑑᖅ ᖃᐅᔨᒪᔭᐅᕗᖅ ᓴᓇᙳᐊᒐᖏᓐᓄᑦ ᐊᒻᒪ ᐅᐸᒃᑕᐅᔪᒪᑦᑎᐊᖃᑦᑕᖅᑐᖅᑕᐅ ᐅᖅᑯᕐᒥᐅᑦ ᐃᓄᐃᑦ ᓴᓇᐅᒐᖃᕐᕕᖓᑦ. ᓴᓇᐅᒐᓄᑦ ᑲᑐᔾᔨᖃᑎᒌᖏᑦ ᑐᙵᓵᕆᓲᖑᕗᑦ ᐳᓛᖅᑐᓂᒃ ᑕᑯᖁᓪᓗᒋᑦ ᑎᑎᖅᑐᒐᖃᕐᕕᖕᓂᒃ ᐊᒻᒪ ᓄᕕᖅᓴᒐᖃᕐᕕᖕᓂᒃ, ᓴᓇᓲᑦ ᐱᐅᔪᒻᒪᕆᖕᓂᑦ ᓄᕕᖅᓵᓂᒃ ᐊᒻᒪ ᑎᑎᕋᐅᔭᓂᒃ. ᐱᐅᒋᔭᐅᔪᖅ “ᐹᖕ” ᓇᓴᐃᑦ, ᑕᖅᓴᖃᑦᑎᐊᖅᑐᑦ ᓂᒃᓯᒃᑕᖅᓯᒪᔪᑦ ᓇᓴᐃᑦ ᓂᒃᓯᒃᑕᖅᑕᐅᓯᒪᔪᑦ ᓄᓇᓕᖕᒥᐅᓂᑦ, ᓂᐅᕕᖅᑕᐅᔪᓐᓇᕐᒥᔪᑦ ᑐᖅᑲᖅᑕᕐᕕᐅ ᓂᐅᕕᕐᕕᖓᓂᑦ. ᐸᓐᓂᖅᑑᒥ ᐃᖃᓗᓕᕆᕝᕕᒃ ᐃᑲᔪᐃᕗᖅ ᓄᓇᓕᐅ ᒪᑭᒪᓇᓱᐊᕈᑎᖓᓂᑦ ᐊᖑᓇᓱᖕᓂᑎᒍᑦ ᐊᒻᒪ ᐱᓕᕆᕙᓪᓕᐊᓂᖏᑦᑎᒍᑦ ᐃᖃᓗᖕᓂᑦ ᐊᒻᒪ ᕿᑭᖅᑖᓘᑉ ᖃᓕᕋᓕᖁᑎᖏᓐᓂᑦ (ᑲᓛᖠᑦ ᓄᓈᓐᓂ ᓇᑖᕐᓇᕐᓂᒃ). ᐃᖅᑲᓇᐃᔭᖅᑏᑦ ᒫᓐᓇᓕᓴᐅᔪᒥᒃ ᐃᖃᓗᓕᕆᕝᕕᖕᒥᑦ ᐸᕐᓇᐃᓲᖑᕗᑦ ᖃᐅᑕᒫ ᐃᖃᓗᒃᑕᐅᕙᒃᑐᓂᑦ ᓅᑦᑎᓂᕐᒧᑦ ᑕᕆᐅ ᐊᑭᐊᓄᑦ. ᑐᑭᓯᒋᐊᒃᑲᓐᓂᕈᒪᒍᕕᑦ ᓄᓇᓕᐅ ᒥᒃᓵᓄᑦ, ᐃᑭᐊᖅᑭᕕᒃᑰᕈᑎᖓᑦ ᐅᐸᒡᓗᒍᑦ: www.pangnirtung.ca/home

ᓄᓇᓕᐅᑉ ᐃᓄᖏᑦ: 1,645