About Coral Harbour

ᓴᓪᓕᖅ ᓴᓪᓖᑦ ᓯᒡᔭᖓᑦᑕ ᓂᒋᐊᓃᑉᐳᖅ, ᑲᖏᖅᓱᐊᓘᑉ ᐃᓗᐊᑕ ᐊᐅᖕᓇᖓᓂᑦ. ᓄᓇᓕᐅᑉ ᐃᓄᒃᑎᑐᑦ ᐊᑎᖓ ᓴᓪᓕᖅ (“ᐊᖏᔪᖅ, ᒪᓂᕋᖅ ᕿᑭᖅᑕᖅ ᓄᓇᓪᓚᕆᐅ ᓵᑦᑎᐊᖓᓂᑦ”); ᖃᓪᓗᓈᑐᑦ ᐊᑎᖓ ᑐᑭᖃᖅᐳᖅ ᐅᔭᕋᙳᖅᓯᒪᔪᑦ ᐃᒪᐅ ᐃᖅᑲᖓᓂᑦ ᐱᕈᖅᑐᑦ ᓇᓂᔭᐅᓲᑦ ᑐᓚᒃᑕᕐᕕᖓᓂᑦ. ᓴᓪᓕᖅ ᐃᓂᑦᑎᐊᕙᐅᓛᖑᖃᑕᐅᕗᖅ ᓄᓇᕗᒻᒥ ᐳᐃᔨᓂᒃ ᑕᑯᓐᓈᕐᓇᖅᑐᓂᒃ. ᖃᓂᑦᑑᔪᖅ ᑲᖏᖅᓱᒐᖅ ᐆᑦᑐᕐᔪᐊᖃᕐᕕᐅᓲᖑᕗᖅ ᐊᒥᓱᓄᑦ ᐊᐃᕕᕐᓂᑦ. ᒪᕐᕈᑦ ᑎᖕᒥᐊᖃᕐᕖᑦ, ᑲᓇᖕᓇᖓᓂᑦ ᓅᑦᑕᖅᑐᓄᑦ ᑎᖕᒥᐅᖃᕐᕕᒃ ᐊᒻᒪ ᕼᐅᕆ ᑭᐸᓐᔅ ᓅᑦᑕᖅᑐᓄᑦ ᑎᖕᒥᐅᖃᕐᕕᒃ ᑕᑯᔭᐅᔭᕆᐊᖃᒻᒪᕆᒃᐳᑦ ᑎᖕᒥᔾᔭᓄᑦ ᑕᐅᑐᒃᑎᓄᑦ. ᐊᒥᓱᑲᓪᓚᑦ ᑲᖑᐃᑦ, ᐊᒻᒪᐃᓛ ᖁᒡᔪᐃᑦ, ᑕᑎᒡᒐᕐᔪᐊᑦ ᐊᒻᒪ ᐊᓯᖏᑦ ᑎᖕᒥᐊᑦ ᓅᓲᖑᒋᕗᑦ ᐅᐱᕐᖔᒃᑯᑦ. ᓄᓇᓕᖕᒥᐅᑦ ᐊᐅᓪᓛᖅᑎᑦᓯᔩᑦ ᐱᕕᖃᖅᑎᑦᓯᓲᖑᕗᑦ ᐅᒥᐊᒃᑰᖅᑎᑦᓯᓂᕐᒥᒃ ᓂᕐᔪᑎᓂᒃ ᑕᐅᑐᒃᑎᑦᓯᓂᕐᒥᒃ ᐃᓂᒋᔭᖏᓐᓂᒃ. ᑐᑭᓯᒋᐊᒃᑲᓐᓂᕈᒪᒍᕕᑦ ᓄᓇᓕᐅ ᒥᒃᓵᓄᑦ, ᐃᑭᐊᖅᑭᕕᒃᑰᕈᑎᖓᑦ ᐅᐸᒡᓗᒍᑦ: www.coralharbour.ca/

ᓄᓇᓕᐅᑉ ᐃᓄᖏᑦ: 1,043