About Kinngait

ᐃᓄᒃᑎᑐᑦ ᐊᑎᖓᑦ, ᑭᙵᐃᑦ, ᑐᑭᖃᖅᐳᖅ ᑲᔾᔮᓇᒻᒪᕆᒃᑐᑦ ᖃᖅᑲᐃᑦ ᐊᕙᓗᓯᒪᔪᑦ ᓄᓇᓕᖕᓂᑦ. ᕿᑭᖅᑖᓘᑉ ᓂᒋᖅᐸᓯᐊᓃᑦᑐᖅ, ᑭᙵᐃᑦ ᐃᓄᖃᖅᓯᒪᓕᖅᑐᖅ 1000 ᐊᕐᕌᒍᑦ ᐅᖓᑖᓄᑦ. ᑐᓃᑦ ᐊᒻᒪ ᐃᓄᐃᑦ ᐃᑦᑕᕐᓂᓴᖃᕐᕕᖏᑦ ᒪᓕᒃᔪᐊᖅ ᒥᕐᖑᐃᕐᓯᕐᕕᖕᒦᑦᑐᖅ, ᓄᓇᓕᐅᑉ ᖃᓂᒋᔭᖓᓃᑦᑐᖅ. ᑭᙵᐃᑦ ᓄᓇᕐᔪᐊᓕᒫᒥᑦ ᖃᐅᔨᒪᔭᐅᓂᖓᓄᑦ ᐃᓄᐃᑦ ᑎᑎᖅᑐᒐᖏᓐᓂᑦ ᐱᓗᐊᙳᐊᖅᖢᒍ ᑎᑎᖅᑐᒐᐃᑦ ᐊᒻᒪ ᓴᓇᙳᐊᒐᐃᑦ. ᐃᓄᐃ ᓴᓇᙳᐊᒐᖏᓐᓂᒃ ᐱᐅᒋᔭᖃᖅᑐᑦ ᓄᓇᕐᔪᐊᓕᒫᒥᒃ ᑭᙵᐃᓄᐊᓲᖑᕗᑦ ᓄᓇᓕᖕᓂᕐᒥᐅᑦ ᓴᓇᙳᐊᖅᑎᖏᓐᓂᒃ ᑕᑯᔪᓐᓇᖅᖢᑎᒃ ᐊᒻᒪ ᐅᐸᒃᐸᒃᖢᑎᒃ ᑭᙵᐃᑦ ᑯᐊᐸᖓᓄᑦ, ᑎᑎᖅᑐᒐᐃᑦ ᓴᓇᙳᐊᒐᐃᓪᓗ ᓴᖅᑭᔮᖅᑎᑕᐅᕙᒃᖢᑎᑦ ᓂᐅᕐᕈᑕᐅᕙᒃᖢᑎᓗ. ᐊᒥᓱᑦ ᑭᙵᕐᒥᐅᑦ ᓴᓇᙳᐊᖅᑎᖏᑦ ᐱᓕᕆᐊᒥᓂᒃ ᓴᖅᑭᔮᖅᑎᑦᓯᓯᒪᓕᕐᒥᔪᑦ ᓄᓇᕐᔪᐊᓕᒫᒥᒃ ᓴᓇᐅᒐᒥᓂᒃ ᓴᖅᑭᔮᖅᑎᑦᓯᓂᕐᒧᑦ. ᐱᕈᖅᐸᓪᓕᐊᕖᑦ, ᐊᖏᒡᓕᒋᐊᖅᑎᑦᓯᓂᐊᖅᑐᑦ ᐱᕙᓪᓕᐊᔪᓕᕆᓂᕐᒥᑦ ᑭᙵᓂᑦ, ᐃᓕᑕᕆᔭᐅᓯᒪᓕᖅᑐᖅ ᒐᕙᒪᑐᑦ ᐊᒻᒪ ᐳᓚᕋᖅᑐᓕᕆᕝᕕᒃᑐᑦ. ᑭᙵᒥᐅᑦ ᑕᐅᑐᒃᑐᑦ ᐳᓚᕋᖅᑐᓕᕆᓂᕐᒥᒃ ᓄᓇᓕᖕᓄᑦ ᐱᒻᒪᕆᐅᓂᖅᐹᖓᓄᑦ. ᐊᖏᒡᓕᒋᐊᖁᓗᒍᑦ ᐳᓚᕋᖅᑐᓕᕆᓂᖅ, ᑭᙵᒥᐅᑦ ᐊᖏᖅᑐᑦ ᐱᓕᒻᒪᓴᓂᖅ ᓲᕐᓗ ᐱᓕᕆᐊᒧᑦ ᐊᐅᓚᑦᓯᓂᕐᒥᒃ, ᑐᙵᓵᕆᓂᕐᒥᒃ, ᐊᐅᓪᓚᐅᔾᔨᖃᑦᑕᕐᓂᕐᒧᑦ ᐊᒻᒪ ᓴᓇᙳᐊᒐᓂᒃ ᒥᖅᓱᒐᓂᒡᓗ ᓴᖅᑭᑎᑦᓯᓂᕐᒧᑦ ᐊᑐᖅᑕᐅᔭᕆᐊᖃᖅᐳ ᐱᕙᓪᓕᐊᑦᑎᐊᖁᓗᒍᑦ ᑲᔪᓯᑦᑎᐊᖁᓗᒍᓗ. ᓅᑦᑎᓂᖅ ᐃᓚᖏᓐᓂᒃ ᓄᓇᕗᑦ ᒐᕙᒪᒃᑯᑦ ᐃᖅᑲᓇᐃᔮᖏᓐᓂᒃ ᐱᕕᖃᖅᑎᑦᓯᓕᖃᑦᑕᕆᕗᖅ ᑭᙵᓂᑦ ᐊᒻᒪ ᐃᓕᓐᓂᐊᒃᑲᓐᓂᖅᑐᖃᕈᒪᓕᖅᐸᒃᑭᓪᓗᓂᑦ ᐃᖅᑲᓇᐃᔮᑖᕈᒪᔪᓄᑦ ᒐᕙᒪᒃᑯᓐᓄᑦ. ᑐᑭᓯᒋᐊᒃᑲᓐᓂᕈᒪᒍᕕᑦ ᓄᓇᓕᐅ ᒥᒃᓵᓄᑦ, ᐃᑭᐊᖅᑭᕕᒃᑰᕈᑎᖓᑦ ᐅᐸᒡᓗᒍᑦ: www.capedorset.ca/en/index.asp

ᓄᓇᓕᐅᑉ ᐃᓄᖏᑦ: 1,527