ᓄᓇᓕᖓᑦ ᑎᑭᕋᕐᔪᐊᖅ (ᓄᕗᑯᑖᒃ), ᐃᓂᓪᓚᒃᓯᒪᕗᖅ ᑲᖏᖅᖢᒥᒃ, ᑲᖏᖅᓱᐊᓘᑉ ᐃᓗᐊᑕ ᓯᒡᔭᖓᓂᑦ ᐱᖓᓐᓇᖅᐸᓯᐊᓂᑦ. ᑲᖏᖅᖢᒃ ᐊᕐᕕᐊᑦ ᐅᐊᖕᓇᖅᐸᓯᖓᓃᑉᐳᖅ, ᑲᖏᖅᖠᓂᐅ ᓂᒋᖅᐸᓯᑦᑎᐊᖓᓂᑦ. ᑖᓐᓇ ᓄᓇᓕᒃ ᕿᑲᕐᕕᐅᓪᓗᐊᑕᓚᐅᖅᐳᖅ ᐱᖓᓱᑦ ᐊᔾᔨᒌᖏᑦᑐᑦ ᐃᓅᖃᑎᒌᓂᒃ (ᐊᑕᐅᓯᖅ ᓄᓇᓗᒃᑑᔪᒥᑦ ᐊᒻᒪ ᒪᕐᕈᑦ ᓯᒡᔭᖅᐸᓯᖕᒥᖔᖅᑐᑦ), ᐃᓂᒥᓄᐊᓚᐅᖅᑐᑦ ᕿᑲᖅᐸᓪᓕᐊᑎᓪᓗᒋᑦ 1950ᖏᓐᓂᑦ. ᐅᓪᓗᒥ, ᑎᑭᕋᕐᔪᐊᖅ ᐱᖅᑯᓯᑐᖃᕐᒥᑦ ᐊᑐᖅᓯᒪᐃᓐᓇᖅᐳᖅ, ᐊᔾᔨᒌᖏᑦᑐᓂᒃ ᐅᖃᐅᓯᖃᖅᖢᑎᒃ ᐱᖅᑯᓯᖃᖅᖢᑎᒡᓗ, ᓇᑭᖔᖅᓯᒪᓂᖏᑦ ᑕᒪᐃᓐᓂ ᓄᓇᓗᒃᑐᒥᑦ ᐊᒻᒪ ᓯᒡᔭᖅᐸᓯᖕᒥᑦ.
ᓄᓇᕆᒃᑑᓂᖓᑦ ᐊᒻᒪ ᐳᐃᔨᖃᐅᕐᓂᖓᑦ ᐊᔪᖏᑎᑦᓯᕗᖅ ᑎᑭᕋᕐᔪᐊᖅ ᐃᓄᖁᑎᖏᓐᓂᒃ ᐊᓕᐊᓇᐃᒋᔭᖃᕐᓂᕐᒧᑦ ᓂᕿᑐᖃᖏᓐᓂᒃ ᐊᒻᒪ ᐃᓅᓯᑐᖃᒥᖕᓂᑦ. ᓇᑦᑎᖅ, ᐊᐃᕕᖅ ᐊᒻᒪ ᕿᓚᓗᒐᖅ ᓂᕿᖁᑎᒋᔭᐅᓪᓗᐊᑕᖅᐳᑦ. ᑐᒃᑐᒐᓱᖕᓇᖅ ᐊᒻᒪ ᓇᓐᓄᒐᓱᖕᓇᐅᓚᐅᖅᐸᒃᖢᓂᑦ, ᐊᒻᒪᐃᓛᒃ ᐃᖣᕋᕋᓱᖕᓂᖅ ᐊᒻᒪ ᐃᖃᓗᒐᓱᖕᓂᖅ, ᐊᑐᖅᑕᐅᒐᔪᖕᒥᔪᐃᑦ.
ᐊᖏᒡᓕᒋᐊᕐᓗᒍᑦ ᓂᕿᖁᑎᒋᔭᐅᔪᑦ ᐃᖃᓗᐃᑦ ᐊᒻᒪ ᐳᐃᔩᑦ, ᐆᒻᒪᑦᑎᐊᕆᖕᓇᖅᑐᑦ ᐸᐅᕐᖓᐃᑦ ᐊᒻᒪ ᑯᐊᓐᓃᑦ ᑲᑎᑕᐅᓲᖑᕗᑦ ᓂᕆᔭᐅᔪᒃᓴᐅᓪᓗᑎᒃ.
ᓄᓇᓕᐅᑉ ᐃᓄᖏᑦ: 439