About Taloyoak

ᐃᓄᒃᑎᑐᑦ ᐊᑎᖓ ᑕᓗᕐᔪᐊᖅ ᑐᑭᖃᖅᑐᖅ ᐊᖏᔪᖅ ᐅᔭᕋᖅ ᑕᓕᔾᔪᑕᐅᕙᓚᐅᖅᑐᖅ ᐊᖑᓇᓱᒃᑎᓂᑦ ᑐᒃᑐᓂᑦ ᐅᖒᕆᓂᕐᒧᑦ ᐊᖑᓇᓱᒋᐊ. ᑕᓗᕐᔪᐊ ᖅ ᐊᓪᓚᕐᓈᕐᔫᑉ ᐱᖓᓐᓇᖅᐸᓯᖓᓃᑉᐳᖅ, ᑕᓪᓗᕈᑎᐅᑉ ᐃᒪᖓᒍᑦ ᐃᑳᖅᑐᑦ ᕿᑎᒻᒪᕆᐊᓂᑦ. ᖃᐅᔨᒪᔭᐅᓂᑯ ᐃᒪᓐᓇ ᓯᐱᓐᔅ ᐸᐄ, ᐃᓂᖓ ᐊᑐᖅᑕᐅᓯᒪᖃᑦᑕᖅᑐᒻᒪᕆᐅᕗᖅ ᐊᑯᓂᐅᔪᖅ, ᐃᓚᐅᓪᓗᓂᑦ ᖃᐅᔨᒪᔭᐅᔪᖅ ᔮᓐ ᕌᔅ ᖃᐅᔨᓴᕐᓂᖏᑦ 1830ᖏᓐᓂᑦ ᓇᓃᒻᒪᖔ ᖃᐅᔨᒪᓕᑦᑎᐊᖅᖢᓂᐅᒃ ᓄᓇᕐᔪᐊ ᑲᔾᔨᖓ. ᖃᑯᒍᖑᖅᑎᓪᓗᒍᑦ, 1848 ᐊᒻᒪ 1860 ᐊᑯᓐᓈᓂᑦ, ᐊᒥᐊᓕᒃᑲᒥᐅᑦ ᐊᒻᒪ ᑕᕆᐅᑉ ᐊᑭᐊᓂᕐᒥᐅᑦ ᐅᒥᐊᕐᔪᐊᖁᑎᖏᑦ ᐃᓂᒋᔭᒥᓄᐊᓚᐅᖅᐳᑦ ᕿᓂᖅᖢᑎᒃ ᖃᐅᔨᒪᔭᐅᔪᒻᒪᕆᖕᒥᑦ ᕗᕌᓐᑭᓕᓐ ᕿᓂᕐᓂᖓᑦ. ᑕᓗᕐᔪᐊᖅ ᒫᓐᓇᐅᔪᖅ ᑕᑯᒥᓇᕐᓂᖏᑦ ᐅᑯᐊᓪᓗᐊᑕᐅᕗᑦ ᑲᔾᔮᓇᕐᓂᖓᑦ, ᐊᑐᖃᑦᑕᕐᓂᑯᖏᑦ, ᐃᖃᓪᓕᐊᕐᓂᖅ ᐊᒻᒪ ᐊᖑᓇᓱᒡᓂᕐᒧᑦ ᐊᑐᒐᒃᓴᖏᑦ. ᓄᓇᖓᑦ ᐊᑲᐅᕗᖅ ᐱᓱᔪᖕᓂᕐᒧᑦ. ᑎᓴᒪᓕᖕᒧᑦ ᐅᕝᕙᓘᓐᓃ ᐱᓱᔪᖕᓂᕐᒧᑦ ᐊᖅᑯᑏᑦ ᓄᓇᓕᖕᒥᐅᓂᑦ ᐊᒻᒪ ᐳᓛᖅᑐᓂᒃ ᐃᖃᓪᓕᐊᖅᑎᑦᓯᓲᖑᕗᑦ ᐊᒻᒪ ᐊᐅᓪᓛᖅᑎᑦᓯᓲᖑᕗᑦ ᖃᓂᒋᔭᖓᓄᑦ ᑕᓯᕐᓄᑦ. ᖁᙱᐊᖅᑎᑦᓯᕙᒃᑐᑦ, ᓴᓇᙳᐊᖅᑏᑦ ᐊᒻᒪ ᑎᑎᕋᐅᔭᖅᑏᑦ ᐱᓕᕆᔨᒻᒪᕆᐅᕗᑦ ᑕᓗᕐᔪᐊᒥᑦ. ᓄᓇᓕᖕᓂᑦ ᑐᙵᕕᓕᒃ ᓴᓇᕙᒃᑐᑦ ᑕᓗᕐᔪᐊᖅ ‘ᐃᓅᔭᐃᑦ’—ᐅᑭᐅᖅᑕᖅᑐᒥᑦ ᓂᕐᔪᑏᑦ ᐊᓐᓄᕌᖅᓯᒪᔪᑦ ᐊᒪᐅᑎᙳᐊᒥᒃ, ᐊᒫᖃᖅᖢᑎᒃ—ᑐᓐᓂᖅᓴᐃᕗᖅ ᓄᓇᓕᐅ ᒪᑭᒪᔾᔪᑎᖓᓄᑦ.

ᓄᓇᓕᐅᑉ ᐃᓄᖏᑦ: 1,032