About Clyde River

ᑲᖏᖅᑐᒑᐱᒃ ᐅᕝᕙᓘᓐᓃ “ᑲᖏᖅᖢᑦᑎᐊᕙᑯᓗᒃ” ᐃᓄᖕᓄᑦ, ᓇᓂᔭᐅᔪᓐᓇᖅᑐᖅ ᕿᑭᖅᑖᓘᑉ ᓯᒡᔭᖓᑦᑕ ᑲᓇᖕᓇᖅᐸᓯᐊᓂᑦ ᐸᐸᑕᐅᓪᓗᓂᑦ ᑲᖏᖅᖢᖕᒥᑦ. ᓇᑎᕐᓇᔮᒦᑦᑐᖅ, ᐊᕙᓗᔭᐅᒪᑦᓱᓂ ᑲᔾᔮᓇᖅᑑᑎᐊᓗᓐᓄᑦ ᑲᖏᖅᓱᓄᑦ ᑎᑭᓯᒪᔪᓄᑦ ᐊᐅᔪᐃᑦᑐᕐᒧᑦ. ᐃᓐᓈᕈᐃᑦ, ᐱᖃᓗᔭᐃᑦ ᐊᒻᒪᓗ ᐊᐅᔪᐃᑦᑐᐃᑦ ᑲᖏᖅᑐᒑᐱᒻᒥ ᐅᐸᑦᑕᐅᒐᔪᒻᒪᑕ ᐅᔭᖅᑲᓂᒃ ᓂᓚᓐᓂᓪᓗ ᒪᔪᕋᖅᑎᓄᑦ ᓇᑭᑐᐃᓐᓇᑦᓯᐊᖅ ᓄᓇᕐᔪᐊᕐᒥᒃ. ᖃᓄᐃᑦᑐᑐᐃᓐᓇᕐᓂᒃ ᓂᕐᔪᑎᑕᖃᕐᒥᔪᖅ, ᐱᖃᓯᐅᑎᑦᓱᑎᒃ ᑐᑦᑐᐃᑦ, ᐊᓪᓚᙳᐊᑦ ᕿᓚᓗᒐᐃᑦ, ᐊᒻᒪᓗ ᐊᓯᖏᑦ ᑕᕆᐅᕐᒥᐅᑕᐃᑦ ᓂᕐᔪᑏᑦ. ᐃᒐᓕᖅᑑᕐᒥ, ᓴᐳᑎᔭᐅᓯᒪᓪᓗᓂ ᐊᖅᕕᖃᕐᕕᑦᑕᓕᒃ. ᑲᖏᖅᑐᒑᐱᒻᒥ ᐱᕙᓪᓕᐊᔪᓕᕆᓂᕐᒧᑦ ᑲᑐᔾᔨᖃᑎᒌᑦ ᑮᓇᐅᔭᓕᐅᖅᑎᐅᒐᓱᐊᕋᑎᒃ ᑎᒥᐅᔪᓄᑦ ᓄᓇᓕᓐᓄᑦ ᑲᒪᒋᔭᐅᖃᑦᑕᖅᓱᑎᒃ ᓄᑖᖑᔪᑦ ᐱᕙᓪᓕᐊᓂᐅᔪᑦ ᓄᓇᓕᒻᒥᓐᓄᑦ. ᑲᑐᔾᔨᖃᑎᒌᑦ ᐅᔾᔨᕆᓗᐊᙳᐊᖅᓯᒪᔪᑦ ᐱᕙᓪᓕᐊᔪᓕᕆᓂᕐᒨᖓᔪᓄᑦ ᐳᓚᕋᑦᑐᓕᕆᓂᕐᒥ, ᓄᓇᓕᓐᓂ ᐱᓇᓱᐊᕐᕕᕋᓛᓂ, ᓴᓇᐅᒐᕐᓂ, ᐊᒻᒪᓗ ᐊᐅᓪᓚᑎᑦᓯᖃᑦᑕᕐᓂᐅᔪᓂ. ᐊᐅᓪᓚᖅᑎᖃᑦᑕᕋᑦᓴᐅᒍᓐᓇᖅᑐᑦ ᖃᓕᕋᓕᕋᐃᑦ ᐊᒻᒪᓗ ᑭᖑᑉᐸᐃᑦ, ᐊᒻᒨᒪᔪᐃᑦ, ᓇᑦᓰᑦ ᐊᒻᒪᓗ ᑐᑦᑐᒥᓃᑦ.
ᓄᓇᓕᐅᑉ ᐃᓄᖏᑦ: 1,096